史特加讓唔起弗賴堡

猪拉多纳

晉級靠運近況又唔好

今晚繼續上演德國盃4強戰，假設拜仁喺今晨嘅另一場準決賽順利過關的話，史特加主場對弗賴堡嘅勝方就會率先取得來屆歐霸盃入場券，意義相當重大。

史特加同弗賴堡今晚喺德國盃鬥完之後，嚟緊周日又再喺德甲再交手，陰謀論講法係弗賴堡會喺盃賽放水，而史特加就會喺聯賽送上3分，畀客軍挑戰前4，爭奪來屆歐聯入場券，但話雖如此，有邊個唔係得一想二，筆者就撐弗賴堡可以喺法定時間內保住不敗。
德甲「五哥」真材實料

弗賴堡其實都算冇運，佢哋由首圈開始，到本圈5場波都要作客出戰，不過能夠過完一關又一關，證明呢隊德甲「五哥」係真材實料，反觀史特加就好好彩連續4圈主場出擊，但對上3輪都只係擊敗德乙對手，唔多夠說服力。事實上，史特加近期主場戰績亦未見出色，近4次喺自己地頭只取得1勝3負，唔似讓得起弗賴堡平半。（無綫翡翠台周四凌晨2:30直播）
足球重心：弗賴堡（下盤）

馬膽推介：8場（4）星光騎士

上仗雖受惠於快步速，但沿途外疊都可以一攻而破，仲贏到冇晒對手，好明顯係新一代谷草專家，今仗排檔內移冇理由唔追多次。