海鑽石走勢矯健

猪拉多纳

　　昨晨是最後試跑期，六時過後才見參戰馬陸續出試，草地千八米於七時正開放供馬匹試跑或彈閘，不乏睇頭。

　　「海鑽石」貝湯美、「盈威勇士」助手相偕試千二米，前駒落後三四乘跟隨，逐漸縮短距離，最後二百米已按捺不住，三扒兩撥從外檔趕上，以半乘壓住廐侶過終點，走勢矯健，佳態洋溢；後駒八九分勇。

　　「贏得」貝湯美、「駿馬名駒」梁家俊結伴試千二米，直路上均加快步伐，一齊衝線，未分勝負，內檔的「贏得」出腳靈活，雙目炯炯有神，長期呈勇；「駿馬名駒」步伐輕爽，饒富火氣，觀感未見不妥。

　　「千杯豪情」助手試八百米，自動加速，步幅開揚有力，情緒更見集中，日益成熟。

　　「風雲」楊明綸在草地彈閘，應聲而出，愈跑愈快，衝刺凌厲，雖云進步不大，惟仍有一定水準。

　　「愛蓮說」副練試千二米，按韁慢跑，健康情況穩定，且有活力，仍具作戰水準。

　　「奇無極」鄭雨滇試四百米，全程搶住走，口重依舊，饒富火氣，勇況持續有餘。

　　「熱爆男」助手試四百米，馬身飽滿結實，出腳挺勁，朝氣蓬勃，近況有進冇退。

　　「電子福星」黎海榮試八百米，四蹄揮灑自如，彈力充盈，神態生猛，未見低落。

　　「萬人迷」薛寶力試八百米，走勢硬朗，過直路生氣勃勃，保養有一手，仍有兩腳。

　　「美的人生」助手試八百米，清風送爽完成，體格強健，上勁起力，頹氣盡消。

　　駕聖翻步快捷

　　「駕聖」黎海榮試八百米，翻步快捷，上火上力，進度一日千里，狀態有增無減。

　　「天賜駿駒」助手、「勁加勁」杜利萊聯袂在草地試八百米，前駒佔先約兩乘帶放，後駒亦步亦趨，最後一程「勁加勁」在稍鬆韁繩下即有反應，加速帶離乘多而回，走來似模似樣，步伐穩健，九分光景左右；「天賜駿駒」埋門未夠貫注，進度徘徊不前。

　　「逸逸友福」助手在草地試八百米，走勢順暢，體力冇問題，拼後復課，狀態無甚起落。