左右逢源賽績硬淨

猪拉多纳

　　【本報資料】胡森馬房自從五月一日憑「龍得風雲」及「經典皇牌」起孖，贏夠十三W上岸後，個多月都未有頭馬進帳。今期賽事，胡森雖然只派三駒上陣，但當中兩匹馬房王牌「好易搵」及「左右逢源」皆於上仗跑入連贏，這次再出志不在小，宜一併兼顧。

　　第六場三班泥地1200米，「左右逢源」上仗曾於總場次513獲亞，翻查資料，該役跑入前四名的馬匹中，有三匹再出都入三甲，分別取得兩冠一亞（見表），僅剩下「左右逢源」於今仗再出，捉路實在值得秤先。

　　「左右逢源」今次雖排十檔，但鞍上人柏寶今季四匹泥地1200米十檔坐騎三匹有獎金，可見擅於處理外檔馬，今次有力替「左右逢源」打開勝門。配腳可揀新勝而臨的「寶寶快車」，事關姚近三匹新勝馬再出獲亞季各一。