吳嘉晉獲特赦贏美麗里程

猪拉多纳

由於近期騎師短缺，馬會就特赦兩個原本停賽提早抖暑嘅華將梁家俊同埋吳嘉晉，晉仔貴為葉楚航徒弟，滿以為變相復出可以幫師傅一把，點知佢尋日只係騎兩隻東廐邊線馬「羅馬神駒」、「美麗里程」及補出的「勝將」，前駒已經喺第二場爆冷跑第三，而「美麗里程」仲喺第七場三班千四米大勝而回，變相益咗告東尼追近航哥一W。估唔到今次馬會放生吳嘉晉嘅最大得益者，竟然係佢師傅葉楚航爭冠的最大敵人告東尼。「美麗里程」嘅馬主郭少明呢輪真係旺氣迫人，佢啱啱嗰次谷戰已經靠「美麗昇華」拉頭馬，前駒尋日冷到42倍，估唔到可以輕取對手兩個半馬位。
       
吳嘉晉
馬主當旺天雨造就

郭生賽後話「美麗里程」跑變化地特佳，尋日嗰場及時雨明顯對呢隻馬有好大幫助，最終連外檔都克服到，佢自己都好意外。