小將搶韁紅軍盡數印尼明星

猪拉多纳

搶韁紅軍造訪印尼將大開殺戒！利物浦暑假亞洲行作客印尼明星隊，陣中小將、新將質態俱佳，撞啱主隊只識盲目谷上，啱晒紅軍小組入滲攻擊戰術發揮；印尼明星隊剛吞阿仙奴7蛋勁輸得，「讓球主客和」紅軍「-3」照捧。

（亞視國際台周六晚9時30分直播）
為上位喪攻唔留手

羅帥上季執教後，紅軍大打攻擊足球，一季過後班波已執得唔錯，今夏球隊嗱嗱臨簽入高路托尼、路爾斯阿拔圖、伊亞高艾斯巴斯等新將，勢必更進一步喪攻。後者由切爾達來投後接過9號戰衣，上仗熱身賽數普雷斯頓4粒一役瞻前顧後，並射入超靚金球，呢場又係佢show time。加上史達寧、佐敦艾比等小將上晒身，紅軍前線勁入得。

季前熱身賽最講戰意同踢法，車仔未操起兼打法保守，僅贏泰國明星隊一粒可以理解，但紅軍新仔搶韁博上位，肯定瘋狂進攻，另一邊廂印尼明星隊踢法有前冇後，之前對住阿仙奴一樣完全唔防守，今鋪遇上全攻嘅利物浦，隨時再一次大敗，利物浦1.83倍「讓球客勝」有買趁早！