吳定強唔會歎慢板

猪拉多纳

　　今季練馬師贏馬至少要有15場，贏唔夠數者，亦要有13、14場兼獎金超過1,500萬，始可逃出警戒線。對幾個長期處於尾列馬房，真係危危乎，新例真係唔易應付。

　　吳定強向來頭馬唔多，近季通常十幾廿場貨仔，旗下馬勝在有分在手，每當有心出擊，好少會失手，無他嘅，三班馬落到五班跑，唔係傷病跑唔番，四肢健全嘅，有咩理由實力不如人。

　　記憶中，吳廐馬季初比較慢熱，真係唔跑到四、五月，佢老人家都唔緊張啲，但今季新例之下，可能唔輪到佢繼續呢種營運方式，又等季尾才發力，賽事環境可能比較緊湊，未必咁易過骨，今季作風或唔同。