小林夜雨有分在手

猪拉多纳

　　明晚舉行今季首次跑馬地賽事，第一口孖T頭關第三場四班1000米，「紅運福星」未轉入鄭俊偉馬房之前，在港二十四戰都贏不了，但上季中轉入鄭廐之後，六戰獲冠季殿各一，練者功力如何，可想而知。

　　「紅運福星」於上季六月尾在谷草1000米贏馬後，翌仗再戰同程改配韋達，竟輸五個多馬位跑第六，大家難免會擔心此駒評58分冇着數。其實當晚跑馬地上空超大雨，此駒早段已走三叠望空，轉彎入直路更飛出大外叠，蝕了腳程才輸得遠，敗不足據。既然「紅運福星」在李廐時，評74分都試過跑第二，現評58分又算得上甚麼？今仗排一檔可收復失地。

　　尾關四班1650米，「小林夜雨」上季試過在總場次372同程大後上獲亞，又試過在總場次454同程一放到底贏馬。一匹馬可用不同跑法交出良佳表現，顯然有分在手，可惜上季贏馬後進度徘徊。然而，今季首仗就找韋達操刀，肯定志不在小，要捧。(洋超)