柏雷素爾主場硬淨唔赦恒大

猪拉多纳

亞冠盃四強戰上演中日大戰首回合，柏雷素爾主場迎戰廣州恒大（馬會稱ＦＣ廣州），呢場波備受矚目，柏軍射手基奧會倒戈戰舊主，必定分外落力，主隊今季亞冠盃主場未輸過，現時勢頭甚勁，唔怕「風頭躉」恒大，可博1.75倍「讓球主勝」。

（now 670周三晚6時直播）

柏雷素爾射手基奧當年加盟恒大時被視為球隊王牌前鋒，點知恒大領導層簽下巴里奧斯後冷落呢位射手，今季佢以借將身份加盟柏雷素爾，表現都算對辦，拍住箭頭工藤壯人甚具威力，今次有機會倒戈出戰，一定會全力雪恥。柏軍今屆亞冠盃主場五戰不敗，非常硬淨，客軍恒大新兵艾傑臣取代巴里奧斯地位，但佢哋首回合作客唔會太進取，讓波靠唔住，一於捧主隊可保不敗。
首爾恰西亞遠征軍

同日南韓代表ＦＣ首爾主場對伊朗球隊艾斯迪格拿，客軍係四強唯一西亞代表，佢哋八強次回合作客泰國球隊武里南聯力戰險勝，贏得辛苦。而首爾八強次回合喺主場砌低沙特勁旅吉達艾阿里，今次留守主場唔使舟車勞頓，體力好過對手，有力先贏一仗！

（now 671周三晚6時30分直播）