勝利之星胃病醫好 施偉強：憑質出拚

猪拉多纳

上季一出即勝嘅「勝利之星」今日列陣二班1600米，作季內首戰，究竟能唔能夠重溫美夢，馬主施偉強表示：「養馬在乎開心，特別鍾意同一大班朋友聚埋分享賽馬樂趣，上個禮拜四，我被老朋友陳佛恩邀請，出席佢名下『隨心隨意』慶功宴，真係羨慕可以養到一匹咁優秀嘅賽駒，不過呢方面絕對冇得強求。其實我養馬亦都幾幸運，之前有匹『勝利福星』跑到上季7歲都不停有獎金收。至於現役嘅『勝利之星』，係由大摩代為挑選，喺香港跑咗三季共贏得4場頭馬，評分升到93分，不過上季尾馬匹由於胃部健康麻麻，以致成績停滯不前，但相信經過抖暑養回健康之後，呢匹英國5歲馬將會重新踏上正軌。今次同場不乏強手，但我駒憑本身質素，有權左右大局。」