韋達卜定 熱刺小馬打爭氣波

猪拉多纳

足球引人入勝，尤其係最多香港人睇嘅英超，擁躉更加係無處不在。熱刺喺香港唔算多Fans，不過隊波今季非常爭氣，穩佔前列一席，身為超級Fans嘅馬貝貝肯定十分高興。呢位年輕馬主驟眼睇落最多四十出頭，但就話自己捧咗熱刺幾十年，無異係誇張少少，不過佢連愛駒個名都叫「熱刺小馬」，忠實程度真係可見一斑。
       

其實唔單只熱刺叻，「熱刺小馬」今季演出亦一啲唔差，首戰已經跑第三，輸畀超班馬「火龍寶」無話可說。拚後韋達接手，試完立即卜定操刀，睇嚟真係有啲料到，霍廐今季大打爭氣波，睇吓「熱刺小馬」能否馬如其名，一樣取得好成績啦！