土耳其荷蘭大駁火

猪拉多纳

世界盃外圍賽來到最後一輪分組賽，爭逐非常激烈，歐洲區Ｄ組第二三位隊伍土耳其及羅馬尼亞同得16分，最後好可能需要以得失球差決定次名附加賽資格誰屬。土耳其今輪主場對荷蘭，冇得揀一定採取主動以3分為目標。「橙衣兵團」已獲出線權，抱輕鬆心情比賽，唔會壓迫得太緊，有利製造入球，捧大盤。

（周三凌晨2時開賽）

由於羅馬尼亞對手只係弱隊愛沙尼亞，贏波問題唔大，甚至會大炒對手，爭取得失球差超越土耳其。因此，土耳其冇得心存僥倖，必須自己擊敗荷蘭，先至有價講。其實土軍最後衝刺走勢凌厲，連贏三場外圍賽，愈踢愈有信心，面對有可能放軟手腳嘅荷蘭，可以放膽一博，主動出擊。荷蘭本身已經係進攻型球隊，今仗冇心理包袱，更加無懼同對手駁火，以佢哋中前場優秀人腳，要取得入波唔難。
冰島有戰意唔赦挪威

另外，E組冰島只要作客擊敗挪威，就穩奪附加賽席位，戰意有保證，反觀挪威已出局，近況亦差，冇能力讓波，冰島下盤值博。