墨西哥冇退路作客黎料

猪拉多纳

世盃外中北美洲區鬥到最後一輪，形勢依然緊湊。頭兩位嘅美國同哥斯達黎加已經出線，第三位嘅洪都拉斯對牙買加只要攞多一分，就可以拎到最後一張決賽周嘅入場券，相反暫時排第四嘅墨西哥就要寄望淨勝哥斯達黎加兩球或以上，而洪都拉斯又同時輸波，先至可以踢洪軍落第四打附加賽。

不過墨西哥亦只係領先巴拿馬三分，無論佢哋想保四抑或衝三，最穩陣方法就係作客擊敗哥斯達黎加，上仗憑後備奇兵魯爾占美尼斯靚到爆嘅倒掛入波勇挫巴拿馬，令墨軍士氣大振，相信今仗唔會放過哥斯達黎加，客Ｗ有2倍值得捧場。
巴拿馬誓贏花旗創奇迹

另一邊廂巴拿馬必須喺主場贏美國之餘，仲要望墨西哥輸波，先有機會爭到附加賽席位，撞啱「花旗國」主帥奇連士文話明會收起當路雲、鍾斯、侯活等主力，擺明想跣死敵墨西哥，相信巴拿馬會盡地一煲希望有奇迹出現，主Ｗ有2.3倍非常抵玩。

（周三早上9時30分開賽）