世少盃 最欣賞日本

猪拉多纳

「三色台」連接轉播U20世青盃及U17世少盃，觸動Peter對體育發展一番感想，球迷可以緬懷名宿，做die-hard fans，狂捧肓捧心儀球隊。不過，筆者身為講波佬，必須以中立、冷靜角度去睇及分析比賽，發掘球壇明日之星。

參與今屆世少盃嘅小將，都係天才橫溢，當中有人或者將來會成為另一位美斯或C朗，相當值得關注。除咗巴西、烏拉圭、摩洛哥搶鏡之外，Peter最欣賞亞洲代表日本，呢班小朋友樣子同一般中學生冇分別，但已經可以踢出優秀整體戰，採取控球在腳，互相傳波、走位嘅足球，有巴塞影子，首仗以1比0擊敗身材高一大截嘅歐洲冠軍俄羅斯，令人眼前一亮，走上世界球壇大舞台指日可待。
同小朋友做Friend至唔Out

除咗睇外國波，可以為大家介紹新星，Peter不忘為本地尋找球壇接班人，例如葉鴻輝14、5歲，Peter透過盧國華介紹認識佢，睇好呢位門將可以成材，現今果然成為香港最佳鋼門。Peter依家經常接觸東方、荃灣、車路士足球學校，睇住呢班小朋友比賽，主動同佢哋交流、做朋友，一來希望發掘可造之材，二來同年輕人來往，亦令自己追得上足球潮流，冇咁易Out！