地震踢穩陣波吼半場和

猪拉多纳

美職嚟到季尾，但季後賽資格仲存在好多變數，好似今晚作客洛杉磯嘅聖荷西地震咁，離西岸第5位嘅急流只差1分，呢支上季常規賽盟主自從由馬克屈臣揸旗後，踢法變得保守，聽朝對住有射手當路雲缺席嘅銀河，相信兩軍上半場未必分到勝負，2.25倍「半場和」可以一試。

（開賽時間：周一早上9:00）
銀河攞多1分入季後賽

聖荷西地震今季出閘脫腳，但自從佢哋喺6月炒咗教練耶露普，改由助教馬克屈臣接手後，季後賽希望又返番嚟。呢位曾經踢過屈福特嘅主帥上任後轉踢穩守突擊，成績即刻有改善，近6仗有5勝1和，而且呢6場有5場半場係冇失波，今仗作客銀河場關鍵戰相信唔會改變穩陣打法，就算最終贏唔到，要守住半場唔難。

對手洛杉磯銀河今仗只要攞到1分，就可以確保季後賽資格。問題係前鋒當路雲養傷影響球隊鋒力，仲要防範地震一對翼鋒沙連拿斯、哥迪爾卡圖嘅快速反擊，無需一開波就急住搶攻，相信雙方半場打和返更衣室機會唔細。