再來風四班有價講

不死鸟

除了「君威」，另一組四班1200米亦有匹蘇?新馬出場，K布烙號174的「連利威勁」與同馬房K175「雅雪」同機到港，血緣亦同出一脈，父系VIKING RULER乃種王「丹山」之後，在澳洲出賽唯一贏過1800米一級賽，03年開始配種，首批子嗣中一駒勝出二級賽，另有匹馬女幾度於二、三級賽入位。看過「雅雪」兩戰田草1200米，初出第四翌仗得季軍，表現只逐少進步唔算起眼，一對已勝出同系之「福龍」和「常盈」，綜合而論不止慢熱，且性能長優於短，再睇埋「連利威勁」母線亦有氣量遺傳，看來未熱身下跑短途難佔太大甜頭，長線在四班則不怕蝕底。
西澳馬水準參差，儘管「再來風」在當地贏過表列賽，來港至今卻了無建樹，已證明不是另一匹「紙醉金迷」，看其前次響三班跑第五，減至62分終於有走勢，照道理落四班應該有價講；雖然下周夜賽又列正選，但性能上今戰1200比下次1000米較有把握，半冷門可以一試。