橫濱開W唔「岐」

猪拉多纳

你咪睇FC橫濱喺日乙半天吊，今日佢哋主場對住FC岐阜，始終係贏面較高嘅一隊，原因係岐阜雖然護級心切，但攻守都係日乙最差，根本冇能力贏波，橫濱1.45倍主W穩陣。

（開賽時間：周三晚6:00）

FC橫濱依家排日乙第13位，爭入升班附加賽好難，降班又冇佢哋份，正式唔上唔落。不過呢班波有個不斷刷新日本職業聯賽上陣最老紀錄嘅三浦知良，成46歲人嘅佢，嗰份鬥心仲勁過啲後生仔，有「Kazu」大哥响度喝住，FC橫濱班人根本就唔敢偷懶。

岐阜排响積分榜尾二，但就只係落後草津3分，加多幾錢肉緊嘅話，真係有權走甩身。弊在佢哋瓣瓣唔掂，今季36場聯賽只入30球，就失咗成70球，兩項數據都响日乙包尾，過去5次作客橫濱又只贏過1次，今日唔係輸得太難睇都願咯。