新力鷹縮程要吼

猪拉多纳

　　莫雷拉在港比賽兩日，所謂「希望愈大、失望愈大」，雖然他連續兩日俱奏凱歌，可惜暫時僅奪兩W，表現無疑遠遜預期。惟發現莫雷拉縱使成績平平，不過人氣指數持續爆燈，過去兩天出馬皆滿額，明日又來騎足十場，忙碌程度更勝韋達與潘頓。

　　按道理計，莫雷拉如此炙手可熱，大把靚馬等他操刀，根本不愁坐冷板，既然大受歡迎，揀馬權力自必伴隨而來。但看過去兩戰，大摩提供的「超皇鷹」和「醒目精伶」俱欠表現，此路人馬作何盤算？不得而知。

　　目前新鮮感爆棚

　　今次賽事，莫雷拉再替摩廐馬騎四駒，由於這組合已成功退熱，小心先前之敗是為今戰鋪路！第九場「新力鷹」，性能啱跑長途，距上仗休息近五個月，如今新鮮感爆棚，縮程角逐一哩料無不可。查此駒本由馬偉昌騎開，惟莫雷拉能造輕磅，取得帥印必拼盡。

　　第五場「伽楠」，上仗由韋達搏殺失手，今仗交莫雷拉接手，若然後者能贏馬為大摩補鑊，大摩對他必另眼相看，騎練日後合作或陸續有來。

　　（賭博士）