莫己若操足而臨

猪拉多纳

　　現時只剩下胡森馬房仍未打開今季勝利之門，你急我唔急；至於今次此廐合共有六匹馬參戰，睇陣容，出馬唔算少，但實際較具牌面的，則只有「至勝威龍」。無可否認，此馬一旦跑得番，在此班當具較強能力，不過講到尾馬房仍未開齋，真金白銀始終欠足夠信心捧場！

　　再觀乎第三場四班1600米，撇除神經刀有權掃晒的「至勝威龍」外，有好幾駒於46場次的1400米曾碰過頭，不過該戰群駒衝線，彼此過終點也十分接近，賽績是否真實可信，我有保留。另外49場「勝利攻略」季內一出即贏1600米，但今仗卻面對由1檔外移至12檔兼負132磅，處境已不同了。「蜚聲國際」則狀態長勇，可惜跑法被動演出反覆，14檔縮後更惡追。

　　跑法主動有朝氣

　　左秤右秤，最後揀了「莫己若」，此馬跑應會主動，抽6檔形勢好跑，無疑去季中尾期工夫缺過及演出走樣，惟今季由八月游水，九月一周跳兩課，繼而再試大閘及埋門彈細閘，整套工序有紋有路。再者大閘交出的走勢更令人有眼前一亮之感，整匹馬朝氣重現，既不是熱門又有態兼跑法主動，點解博唔過？

    （馬會賽事 首席評述員）