西布朗硬淨 反擊劏紅軍

猪拉多纳

紅軍主帥羅渣士近期非常勞氣，因為前曼聯主帥費格遜喺自傳入面話球隊「神奇隊長」謝拉特不及紅魔中場堅尼同史高斯，又批評佐敦軒達臣嘅步姿有問題，會影響其職業生涯，激到羅渣士生蝦咁跳，仲話要費Sir公開向佢哋兩個道歉。

利物浦今晚喺主場迎戰西布朗，唔講唔知西布朗今季作客從來未輸過，仲贏過曼聯，戰績非常硬淨。

西布朗今季客場通常都係踢穩守突擊戰術，陣中三大猛將艾馬菲達奴、比拉希奴及施斯隆都係打反擊高手，今仗面對主場出擊實會搶攻嘅紅軍，又係發揮反擊嘅最佳時候，加上西布朗近兩次作客晏菲路都贏波，今晚睇嚟有力延續佳績，捧「讓球客勝」。