皇馬反擊收死華歷簡奴

猪拉多纳

早前皇馬失寵門將卡斯拿斯曾經發難，話若果情況冇改善會考慮喺冬天轉會窗時離隊，言猶在耳，「銀河艦隊」即刻摑番佢兩巴掌。
迪亞高洛迪古斯牛一兼加薪

據《馬卡報》披露，佢哋打算加卡斯拿斯競爭對手迪亞高洛迪古斯人工，由年薪200萬歐元加到450萬歐元，球隊冇可能為一名後備門神加成倍幾人工，意味住迪亞高洛迪古斯嘅正選地位穩如泰山。

不過，皇馬今晚作客華歷簡奴，32歲牛一嘅迪亞高洛迪古斯未必有太多表演機會，雖然華軍擅於控球搓住嚟踢，可惜臨門一腳太差，今季試過喺主場控球率高過巴塞，最終卻慘吞四蛋，對住皇馬快到無倫嘅C朗同加里夫巴利，淨係輸反擊都輸死喇，「讓球客勝」值得捧場。