太陽戰士故劍重逢

猪拉多纳

　　今日舉行三場大賽，幾個大倉皆重兵屯駐，連同其他場次馬匹，預期必為投X人虎視眈眈。就講頭場摩廐「伽楠」，三歲馬上仗負133磅跑四班1400米，排十一檔起步，劣勢下仍拼得Q腳，今次吼準大賽日重臨，觀乎部署是配合廐侶而來，予人感覺是矢志食頭胡，先為馬房揭開搏殺序幕。

　　賭博士經常指出，投X這類「出頭鳥」最是危險，眾人將槍頭瞄準自己，一來機關四伏，二來賠率亦冇肉食，何必以身犯險？反正都是一博，當然向不為人留意的冷門埋手。

　　同場「太陽戰士」相當蠱惑，今季評60分起步，本可身處四班比賽，惟牠近兩仗偏跑三班，上回更增程出戰一哩，熱身心態路人皆見。今次重返四班，急急回師強項田草1400米，並回配贏馬經手人巫斯義，就算人馬歷來合作兩次不勝有位，硬淨賽績當前，但今場勝在有「伽楠」孭重飛，如有半冷分頭，值得一博。

　　第二場的「奄尖大少」季內四戰熱身已足，走勢愈趨接近，老馬狀態自然而來，效果遠較硬性催谷為妙。上仗扳長跑2200米，也幾乎後追殺入三甲，對比今次縮程跑1800米，足足縮短四百米，應付起來必游刃有餘，幾十倍大冷馬，中P也不得了！(賭博士)