長野帕塞羅冷味十足

猪拉多纳

是日有三場日本天皇盃十六強賽事上演，日職一哥橫濱水手主場迎戰JFL（日本第三級別聯賽）No.1長野帕塞羅，客軍已稱霸JFL，可以專心爭盃，佢哋曾於第二圈踢走日職球隊名古屋鯨魚，早有爆冷前科，千祈唔好睇小呢班波！

長野帕塞羅質素唔差，至於對手橫濱水手現於日職僅以一分領先浦和紅鑽，咬得好緊，隊中王牌球星中村俊輔膽囊炎病癒冇耐，未必會夾硬落場，小心佢哋熱倒！今場自製受讓球半盤，要晒「讓球和」同「讓球客勝」，博長野帕塞羅輸少過一粒！

（周三晚6時開賽）
川崎前鋒大起三神

同日日職喪攻球隊川崎前鋒主場對日乙大軍山形山神，前鋒今季難望於聯賽打入前三，所以希望藉稱霸天皇盃取得亞冠盃參賽席位，隊中王牌射手大久保嘉人已於聯賽轟入廿四粒，穩佔射手榜首，長期見勇，今場大軍繼續狂攻對手，首選入球大！

（周三晚6時開賽）