|
|
貴為蘇格蘭老牌球隊，喜伯年因莫財關係，近年都係浮浮沉沉，經歷早前四場輸晒兼冇波入嘅谷底後，高層終於忍無可忍，炒咗領隊芬倫，改聘前恩華尼斯主帥畢查，呢個名好熟咁喎，咪就係89年世界盃外圍賽對瑞典嗰陣，畀對方踢到頭破血流，依然奮勇作戰嗰位英格蘭隊長囉，佢嗰張爆晒缸慶祝嘅相片，已經成為三獅兵團不屈喼頓嘅象徵。
畢查呢啲硬漢子未必有好多戰術新思維，但其擅於激勵球員士氣嘅風格，對於依家處於信心危機嘅喜伯年其實非常重要。今晚蘇足盃第4圈作客羅斯郡，係畢查執掌喜伯年後首場正式領軍賽事，梗係想省靚塊招牌喇，咁啱中堅米高尼爾臣傷愈復出，喺新帥效應之下，可在同樣態沉嘅羅軍身上搵到着數，讓球客勝捧得過。
（周六晚11時開賽） |
|
金睛卡
发表于 2013-11-30 13:03
变色卡
显身卡