的確好靚換人必拼

猪拉多纳

　　騎師賽已完結，國際賽也曲終人散，但一切就此歸於平靜嗎？明晚谷草八場賽事，戲碼本來暗淡無光，然而莫雷拉刑滿復出，正好為是夜添上姿采，亦為賽事增加話題。

　　今屆國際賽韋達威到盡，個人獨攬一哩錦標和香港盃，單日進帳獎金二百幾萬，同時威盡國際馬壇，認真名利雙收。另一邊廂，莫拉雷則斯人獨憔悴，連坐六日馬監，保守估計損失最少十場頭馬，氣勢跟韋達此消彼長，是以他明晚刑滿復出，餓馬多時必思進取，勢將竭力討回前失。

　　首先推介第二場的「的確好靚」，連場於韋達胯下搏殺失手，莫拉雷有幸接棒，定當使出十二成功架，以求一挫對手銳氣，同時省靚個人招牌。事實上，上仗「的確好靚」走勢不俗，輸在慢步速與排檔差而已，身處劣境仍追入殿軍，今仗移師谷戰水準較低，三甲穩陣。

　　再講頭場隻「添多福」，上仗成熱得梗頸四，幕後可有怨言？局外人難得知。不過，上仗此駒賽後被驗出氣管有血，可算敗不足據。今次莫雷拉再為「添多福」效力，在情在理也必會盡拼。