祖記勒唔住 歇冬前再開殺戒

猪拉多纳

呢邊廂兩支同市宿敵打生打死，但另一邊廂嘅祖雲達斯就「印印腳」坐山觀虎鬥，呢支意甲一哥今晚將作客中下游球隊阿特蘭大，祖記喺歐聯出局後依家可以專心爭聯賽，而且球隊近期狀態弗到漏，作客都冇有怕，有力大炒對手然後開心放假歇冬，讓球客勝同入球大可以兼投。

（TVB 301周日晚10時直播）

祖記自從喺10月輸畀費倫天拿後就再冇失過分，喺意甲已錄得8連勝，當中有6場更係淨勝2球或以上，成隊狀態可謂弗到癲，即使喺上周中意大利盃派副選上陣都夠殺，大炒乙組仔3粒。雖然祖記喺歐聯輸畀加拉塔沙雷黯然出局，但其實出局可能係塞翁失馬都唔定，依家球隊就可以集中火力同羅馬爭意甲冠軍，場場出強陣都絕冇後顧之憂，喺意甲真係冇乜幾隊可以頂得住呢支「惡爺」﹗
阿特蘭大態沉唔夠揪

阿特蘭大近期狀態低沉，近4場聯賽都贏唔到，而且對賽往績完全畀祖記食住，近6次主場鬥祖記全敗，其中4次更係輸2球或以上，睇嚟今場阿特蘭大都係冇得揮，不但受讓冇甜頭，甚至有可能大敗一場。