恩華尼斯難擋正氣「馬家軍」

猪拉多纳

雖然蘇超班霸些路迪經常讓得辣唔益上盤客，好彩呢個聯賽耐唔耐都有隊筍嘢彈出嚟，近期就有馬瑟韋爾。先講賽績，馬瑟韋爾已經連贏5場狂轟15粒，約翰塞頓、里安尼艾斯禾夫等輸住發威，就連霉咗好耐嘅前伯明翰射手麥法頓亦鹹魚翻生，成班波狀態勇達巔峰。

除此之外，馬瑟韋爾前仗作客弱旅巴特里，賽前卻不斷回飛，盤口由最初馬軍讓平半，直插至轉埋平手盤睇嚟有啲蠱惑，開波冇耐即刻失波，以為飛到波到喇，點知「馬家軍」超級正氣，三扒兩撥就反勝贏夠五個一皮添，硬淨到暈。今晚聯賽佢哋喺主場迎戰恩華尼斯，後者不復季初之勇，剛喺快車賽期畀人打到謝晒，最肉酸係輸畀之前6連敗嘅羅斯郡，士氣跌到落谷底，加上近年作客馬瑟韋爾輸多贏少，主隊小讓平半咪走寶。

亞視國際台直播