勝利獅吼「大」晒冷

猪拉多纳

主隊尼高斯遭挖角 搏盡證身價

澳職今日上演前列大戰，由墨爾本勝利主場迎戰榜首勁旅布里斯班獅吼，勝利今季打起咗24歲中場尼高斯，呢位澳洲國腳近期受到唔少外國球會垂青，為更好「錢途」肯定會更加落力踢好波吸引買家，今仗有力同火力最強嘅布里斯班獅吼駁火，入球肯定唔會少，吼1.85倍入球大包保冇甩拖！

（有線64及203周六下午4:45直播）

墨爾本勝利近期狀態唔錯，近3場聯賽都入咗6球波，不過講到最紅嘅都係中場尼高斯，日職勁旅大阪櫻花早前開價收購呢位澳洲國腳，點知被勝利高層斷言拒絕，仲形容開價之低實在「可笑」，足證球會幾咁睇好呢位中場！最新消息話大阪櫻花準備提高開價再斟，尼高斯依家可以做嘅就係展示自己身價，今日落到場肯定戰意十足！
獅吼火力猛12場入24球

布里斯班獅吼依家踢咗12場聯賽入24球，火力冠絕全澳職，而且對上3場作客比賽就入咗9球，證明佢哋去到人哋地頭都一樣會喪攻！

雖然獅吼前鋒卡華美耶保亞啱啱離隊轉去德甲搵食，不過呢位前鋒今季其實只係入咗兩球，獅吼陣中有7人都係入兩球或以上，可見佢哋分散嘅入球政策，係唔會因為個別球員缺陣而受到影響，今場一於同勝利做「大」騷！
頂占筍盤：墨爾本勝利 入球大