鬥心熱情風雨拓黎明

猪拉多纳

近日香港有兩支球隊嘅球員牽涉打假波事件，Peter無論去到球場、馬場甚至餐廳，都發現呢個話題成為大家茶餘飯後嘅討論點。喺外人眼中，已經積弱已久嘅本地波可以話係非常慘情，完全跌到入谷底。Peter同由細路仔踢到職業、退休之後做埋教練同講波佬嘅前港腳司徒文俊及車路士足球學校總監林Sir傾開呢個話題，大家都覺得做咗咁多正路嘢都搞成咁，實在非常「Oh No」（懊惱）。尤其車路士足球學校組織龐大，林Sir不諱言擔心今次事件會帶來負面影響。
香港足球勝在有ICAC

事實上，香港依然有好多有心人想搞好足球，好似足總嘅鳳凰計劃、馬會嘅資助。近年，好多中小學甚至車路士青訓學校等都搞得有聲有色同盡善盡美。Peter認為唔應該因為一小撮壞分子搞到本地波變蠱惑波而對香港足球失去信心，應該唔好理出面啲人點講，唔好理啲壞分子點樣搞，總之揸緊自己嘅立場搞好青訓，所有青少年比實同青訓都唔可以停，喺呢個艱難時期要展現鬥心同熱情，努力喺漫天風雨中開拓一條黎明之路。香港比其他國家優勝之處係有ICAC，而且香港人一向奉行廉潔，俗語話天網恢恢，疏而不漏，Peter相信走歪路最終都只係死路一條。
金句：依個世界上有好波真波，亦有蠱惑波……