兵工廠熱吼半場細

猪拉多纳

禾仔摺埋唔易射瓜維拉

阿仙奴再次面對沒有禾確特的日子，本周英超壓軸戰作客阿士東維拉前線失去一把尖刀，即使有中鋒基奧特復出，仍欠強攻本錢，相信要花唔少時間先可以撕破對手防線。「兵工廠」今季聯賽客場半場細比率高達八成，蘇豪一於熱捧1.52倍半場細！

（now 621周二凌晨4時直播）

禾確特上月中作客曼城一役復出即梅開二度，中鋒基奧特搏足半季又傷又殘，由十二月至今只入一粒，「禾仔」接力肩負阿仙奴士哥重責交足貨，可惜上場盃賽對熱刺受傷重創要長抖，令「兵工廠」頓失進攻重心。基奧特今戰可復出，星級進攻中場奧斯爾亦可候命，但隊內冇人可發揮出禾仔側擊及切入中路攻門之威力，無論用小將基拿比或奧爾斯頂上，效果都有距離。至於阿歷士張伯倫傷愈後已於U21賽事落場，但未有足夠狀態，相信主帥雲格唔敢再冒險。
賓迪基啞火四個月

阿士東維拉前線本來有個可靠射手，賓迪基去季演出光芒四射， 但新季受到傷患及轉會傳聞困擾，演出完全走樣，上次士哥要追溯到去年九月中主場對紐卡素一戰，足足有四個月入球荒，此子現時態沉兼失信心，並非一時三刻可回復水準。維拉前線仲有安祖斯韋文及艾邦拉荷，前者同賓迪基一樣傷愈後無復佳態，後者對上兩場聯賽都有士哥，成為球隊最強攻擊點。維拉自知能力有限，面對「兵工廠」實自動波縮後防線，將會放棄控球，疊埋心水打突擊。

維拉今季聯賽主場十戰八場開出半場細，阿仙奴本季聯賽作客十戰八場開出半場細，半場細盤率高達八成，預期今戰上半場都係冇乜交收，再追多口半場細。
領隊Chit Chat

林拔（阿士東維拉領隊）：個個都覺得阿仙奴今場會贏波，睇淡我哋；但咁樣仲好，我哋就有機會好似季初嗰場一樣，喺被睇淡情況下爆冷贏波。

雲格（阿仙奴領隊）：雖然冇咗禾確特，但仲有普多斯基可以頂上，而且張伯倫今仗隨時候命，攻力不成問題，今場一定要贏波重上榜首。