分秒必爭:勝利鑽石落班有計

不死鸟

沈集成今季曾有一段低潮期，當中更試過兩個多月冇馬贏，幸好近期「跑得叻」改配韋達才替馬房重開勝門，但早前先後流失了「易發發」及「武士神駒」，這兩駒亦是沈廐較具潛力之中班馬﹔至於餘下四十多駒則大多是能力有限之馬，沈集成如要重振開倉初期的聲勢，短期內似乎也不是一件易事，看來廐主宜與韋達加強合作，希望能扭轉劣勢。

         第六場四班二千米，「勝利鑽石」今季八戰全輸，成績認真麻麻，但季初曾出爭田草千八米，出閘後跟前居二叠下跑第四，頭二馬分別是「怡勝」及「力奇駿馬」，既然「勝利鑽石」不留而放都輸不遠，上季本身亦曾贏過「大腦」，今次降至四班配韋達，計落便冇理由睇淡。

        「勝利鑽石」近績差，但換來一批質素平庸之對手，而且馬匹若欠實力，又怎能吸引韋達﹖馬有班底兼路合，必會交出煥然一新的走勢。