曼城重火力炸散「錘仔」

猪拉多纳

啱啱刷新英超最快百球紀錄嘅曼城，士氣高昂弗到震，教頭比歷連尼更豪言要盡擸錦標，今晚佢哋喺英聯盃4強次回合作客韋斯咸，雖則揸住6球優勢，但「錘仔」明顯放棄盃賽疊埋心水護級，副選應戰難逃再做炮灰嘅命運，吼實曼城1.83倍「讓球客勝」啱數。

（TVB301及廣東體育周三凌晨3:45直播）
韋斯咸留力護級

韋斯咸自從舊年12月開始，除咗贏過卡迪夫城，其餘8場聯賽拎得2分，現時喺降班漩渦中苦苦掙扎。從「錘仔」喺月初足總盃鬥諾定咸森林派遣副選落場，英聯盃鬥曼城半力出擊，最終兩場夾埋淨吞11蛋，教頭艾拿戴斯明顯放棄盃賽，況且佢哋陣內傷兵成籮，祖爾奧拜恩、佐治麥卡尼、雲斯頓列特等主力全部唔踢得，就算想搏都根本冇本錢。

相反劍指「四冠王」偉業嘅曼城，勝在板櫈深度夠厚，日前喺聯賽收起費蘭甸奴同拿斯達錫兩員猛將外，占士米拿只不過踢得十零分鐘輕抒腳頭，今晚落場搏殺肯定好氣好力。至於前線迪斯高同尼格度近4場聯手貢獻12球之外，就連傷愈復出冇耐嘅阿古路，近兩場後備入替都有進帳，三大箭頭副偈撻到行，今晚無論邊個擔正，「錘仔」都好難有運行！
首回合韋客負0:6