富咸留力聯賽醒錫菲聯

猪拉多纳

外國足球嘅國內盃賽成日都有啲不知名球隊越級挑戰英超隊伍，不過今晚喺英足盃第4圈（32強）出戰嘅錫菲聯絕對唔算不知名球隊，至少一啲資歷較深嘅球迷都聽過錫菲聯呢三個字、睇過佢嘅比賽。英超喺1992年成立，錫菲聯就係創會成員，都幾威﹗可惜錫菲聯喺兩年後就降咗班，去到06年成功重返英超，但都係得一季貨仔，07年又降到落英冠，依家仲淪落到踢英甲，今晚將喺主場對住深陷降班漩渦嘅富咸，前車可鑑，富咸一定會以護級為首要目標，唔想學錫菲聯咁由英超一路降到英甲，今仗定會留力，平手盤捧主隊。

（now 621、 633及660周日晚9時直播）
主隊高亞迪有卡士

錫菲聯今季季初成績超曳，簡直係不堪一擊、不堪入目，呢個頹勢維持咗大約3個月就停咗，皆因球隊喺上年10月下旬搵嚟前打比郡領隊尼祖哥洛夫執教，成功止血。頭先都講過，錫菲聯唔係一隊不知名球隊，因為隊中有個知名嘅借將，就係利物浦中場新星高亞迪，呢位有新謝拉特之稱嘅小將既可打中場又識踢中堅，真係好似「神奇隊長」咁全能，而且佢又有領導才能，做過英格蘭U17同U20隊長，所以話錫菲聯唔係冇得打o架﹗

富咸依家同英超最尾三隊只係相差一分，3日後仲要作客史雲斯踢護級大戰，足總盃根本唔係佢杯茶，領隊梅倫史甸正路會排副選落場，對住錫菲聯冇優勢可言，平手盤要主隊啱數﹗