確叻星捧盃唔尷尬

不死鸟

呢個禮拜十場有九場盃賽，最特別應非霍利時隻「確叻星」莫屬；「確叻星」係Peter葉克勇及施偉賢爵士名下，咁�瘛复_叻星」呢次跑施偉賢盃，得唔得當然要跑過先知，但自己頒獎畀自己，之前都唔係未見過，萬一真係贏?，由施偉賢爵士頒盃畀Peter葉克勇，咁場面就肯定唔會尷尬。唔記得某年某月，前馬會大董甘銘隻「沛旋」響新馬班贏2230米跑馬地銀瓶；新馬跑2230米？聽落好似天方夜譚，但當年實在係咁，?次五駒場合，「沛旋」五蚊一注Win都派百幾銀，可想而知賠率何其冷落，結果負責頒獎?甘銘左手交右手，今次「確叻星」會否歷史重演？就算係都唔出奇。講真難得因緣際會，有得尷尬又怕咩尷尬？呢次有夏佳理錦標，又有李福深盃，但夏佳理同李福深細仔DD夾份隻「聖河」，因為唔夠分跑本周日泥地1200米夏佳理錦標而轉攻周五三班泥地同程，如果有得揀，你估呢？