慕遜加柏跌Watt平手盤撐利華

猪拉多纳

要數德甲跌Watt最快球隊，肯定非慕遜加柏莫屬！早排一度進佔「三甲」位置嘅佢哋，踏入12月中之後冇再喺聯賽威過，今晚德甲獨腳戲鬥利華古遜唔單止大鬧後防荒，近25年喺自己地頭更加未試過砌低利華，平手盤梗係撐1.95倍利華啦！

（有線61及201、廣東體育周六凌晨3:30直播）
主隊後防穿窿

慕遜加柏喺10月尾曾6連勝，但球隊自12月中開始就走晒樣，對上4輪聯賽全部失分，歇完冬之後連輸畀拜仁同漢諾威更加係球隊今季首次錄得連敗劣績。之不過教練法夫爾就繼續扮淡定，賽前話只要班球員保持平常心就可以重返正軌。

亨格比利唔係睇死慕遜加柏，只不過佢哋最近個走勢堅曳，最弊係中堅史蘭斯同右閘祖利安確比今晚分別因為傷停問題缺陣。再講，利華上仗以2:1擊敗史特加，終止聯賽3連敗，對上25年喺聯賽造訪慕遜更加係未輸過，總共錄得5勝16和戰績，去到慕遜地頭根本冇有怕，平手盤一於捧利華。