C朗停賽皇馬老鼠拉龜

猪拉多纳

今晚西甲重頭戲，「銀河艦隊」皇家馬德里喺主場火併「黃色潛水艇」維拉利爾。皇馬巨星C朗因上仗作客掌摑畢爾包球員領紅，由今仗開始要坐三場波監，睇番呢位葡國萬人迷自09年轉戰西甲後，曾7次對住維拉利爾，當中6次有士哥，冇咗佢對攻力點都有影響。
對維拉利爾吼半場細

除此之外，皇馬近期破密集能力亦為人詬病，初段經常老鼠拉龜冇碇埋手，踏入2014年嘅10場正式比賽，佢哋有9場開出半場細，今仗冇埋C朗更加濕滯。維拉利爾一向主場谷、作客縮，嚟到巴拿貝球場同你鬥攻，傻的嗎？「黃色潛水艇」仲有進攻中場卡尼及老將法連奴斯因傷上陣成疑，勢必做好防守，隨時令初段處於膠着狀態，其實佢哋今季12仗作客，有9次開出半場細，既然咁旺值得追多鋪。