小將闖禍連累蒙彼利埃

猪拉多纳

蒙彼利埃喺11-12年度球季後上力壓暴發戶聖日耳門，勇奪法甲冠軍，上演大衞擊殺巨人歌利亞嘅現代版，可惜之後星散無以為繼，今季更一度捲入護級漩渦。好彩於歇冬期間，蒙彼利埃向AC米蘭借得小將麥巴耶尼安，隨即喺聯賽谷底反彈，更於法足盃淘汰聖日耳門添，真係威過威士忌。
伊維恩讓球勝有計

不過呢位小將早前遇上車禍，佢架法拉利損毀嚴重，雖然尼安報稱自己當時唔係司機，但據報同車嘅朋友已向警方透露尼安講大話，單案會喺月尾開審，佢面臨最高刑罰係判監5年，今勻真係一身蟻，今晚主場迎戰伊維恩，尼安隨時心不在焉，加上中場馬維奧斯停賽，巴卡亞、耶仙積波亞、加利保卡尼因傷缺陣，讓唔起為護級搏老命嘅伊維恩，不妨揀番讓球客勝。

（周日凌晨3時開賽）