士砵亭客戰唔赦賓菲加

猪拉多纳

今日葡超、法甲都有榜首大戰上演，不約而同都有電視直播，最啱買條過關一邊睇波一邊等收錢。阿King決定以葡超二哥士砵亭作客一哥賓菲加可保不敗嘅讓球客勝做重心，再串施禾利對阿積士開半場和及摩納哥對巴黎聖日耳門（PSG）入球大，三串一有接近十倍好和味。

作為葡超Big3之一，士砵亭過去幾季成績未如理想，國內三哥地位一度畀新興勢力布拉加威脅，不過今季喺新教練查迪姆帶領下重振聲威，開季至今聯賽十七戰僅一敗，包括首循環賽和賓菲加一比一，戰績唔輸蝕。賓菲加喺冬季轉會窗放走咗上半季表現出色嘅中場大將尼曼查馬迪去車路士，實力點都有影響，主隊讓波寧捧客軍。

（now 676周一凌晨2時直播）
法甲豪門爆「大」戰

荷甲施禾利主場鬥阿積士，施禾利三連勝狀態托弗，阿積士作客料會遇上一定阻力。睇番阿積士對上五場上半場都同對手成平手，再追半場和好路。

（now 670周日晚9時30分直播）

另外，法甲兩大豪門摩納哥及PSG交鋒，摩納哥新兵貝碧托夫有機會處子登場，大戰PSG箭頭伊巴謙莫域，捧大盤啱數。

（TVB 302周一凌晨4時直播）