筍盤益你:葉楚航手執葵扇煙

不死鸟

  跑到季尾階段，唔少馬嘅體力已用得七七八八，所以吼實??跑得少兼季內未開齋嘅馬會有着數。第四場五班千四米，「自動加速」、「靚太陽」、「金像太子」同「暗飛聲」已喺今季贏過，而且部分今季上陣次數亦唔少，計落季內只跑六次嘅「葵扇煙」係時候交代。

        「葵扇煙」大前季首度上陣曾贏四班千四米，原以為可扶搖直上，點知上季九戰只得一季，表現令人失望，今季評四十四分起步，連輸四仗後更降至五班上陣，結果即喺谷草一哩跑第五，上仗轉爭泥地一哩，佢哋薛順強胯下跑第三，證明現時已有反彈能力。今仗易配馬偉昌兼排二檔，千四米亦已累積冠亞季各一成績，看來已集齊贏馬條件，加上葉廐近排當旺，呢匹馬大可放心捧場。

        唔少聯賽已進入尾聲，其中英冠第三至六名季後可踢升班附加賽，咁計排第六嘅般尼今仗實搏盡。般尼依家有七十三分，領先第七名普雷斯頓兩分，如果今仗輸波而普雷斯頓全取三分，咁般尼就真係「臨天光賴尿」，呢次主場對排第十嘅布里斯托城，正路自然秤先主隊。

        今季般尼喺主場踢二十二場，總共錄得十三勝五和，當中只得四場冇波入，證明攻力唔曳，呢場為名為利應靠得住。睇番兩隊最近一次交手紀錄，般尼贏二比一開大，今晚不如博歷史重演，一於再買入球大。