星火燎原人見人愛

不死鸟

大少又發爛渣啦！冼毅力前日響研訊室內外破口大罵，一派大Q晒模樣，競賽董事小組即時收佢檔……，兩日咁多啦。小組明日下午二時於跑馬地馬場研訊室，就冼毅力於五月一日沙田賽事中所作的行為進行研訊，今戰佢四駒換人，勞愛德一聲多謝，執?佢三隻包括「飛天快馬」、「特別靚」及「星火燎原」，另外「歡心」改由白德民策騎。因緣際會兵力大增，勞愛德發圍睇呢鋪，其中「星火燎原」改由勞愛德策騎，好分過冼毅力好多，料話可以放心照買。

冼毅力向來性格至上，目中無人，暫不能上陣咎由自取，反觀勞愛德騎功都唔差，起碼唔會情緒化，而且鬥志好大家都知，最緊要係佢唔叫座，同一匹馬第個騎五倍，勞愛德騎就有八倍，唔怪得消息指出今次係捧「星火燎原」黃金機會，事關下回韋達跑番，肯定唔會再有價錢。事實上，睇「星火燎原」三捷直路走勢都有餘未盡，冼毅力一早知佢有幾犀利，但一直冇辦法��番，難得韋達停賽本來一心開飯，霍利時好睇同鄉，諗都唔諗就彈畀勞愛德，噚日傍晚高見再問多次料，對方交低一句「邊個騎都贏！」，好，快人快語，我�\贏錢就憑呢句！

特別靚反客為主

除「星火燎原」外，「特別靚」都有料叫買，而且消息更加直接；「特別靚」今年一月響三班跑1000米，輸畀「風火神駒」三個半馬位得第四，冼毅力跑完返�a，同馬主講隻馬仲生勾勾，都交出咁強衝刺力，實力一定唔差得去邊，仲話日後記得畀番佢跑，事隔數月阿大少停?一輪賽，今初降四班諗住即食，依家「特別靚」益?勞愛德，有時真係人算不如天算，但呢鋪絕對係大少自己���a。

方仔睇好七、十場

第七場方仔隻「海之宏」上次小休幾個月，跑番谷中1200米勁得咁緊要，今次再?夠兩個半月係好現象，季尾好多馬開始散散�\，「海之宏」遲遲才再登場，即使升班初跑泥地，消息話馬大熟大勇可以兼顧埋。另外尾場?侶「寶貝王子」都有計，馬房老友話此駒實力在此班一定唔嫌高，但脾氣仲未收歛晒，先未有?睇，但近期好?又受操係值得看好之處，亦係呢場最佳冷門選擇。