巴斯蒂亞博第一隊入球

猪拉多纳

法甲頭場巴斯蒂亞對摩納哥，巴斯蒂亞剛收到好消息，今季聯賽首戰對南特因對方派出違規球員，呢場原本輸0比2嘅賽事獲得3分，對球隊排名好有幫助，喜事連連嘅巴斯蒂亞喺主場應戰唔怕摩納哥，讓球主勝同第一隊入球可雙投博起孖。
摩納哥正選入波能力差

講完消息講賽績，摩納哥近況麻麻，球隊自從哥倫比亞前鋒法卡奧受傷後跌Watt，近三場90分鐘都贏唔到，其中兩場仲要係失波先添，啱啱周中法足盃對尼斯需要加時靠新來投嘅貝碧托夫入波晉級，同時亦講畀大家聽，球隊正選嘅中前場球員數胡能力有限。

相反巴斯蒂亞主場相當穩陣，連盃賽近十仗八勝一和一負，當中八仗更係首先入波，所以今仗即使面對二哥摩納哥都唔怕，受讓嘅讓球主勝當然可取，2.9倍嘅巴斯蒂亞第一隊入球亦諗得過。
TVB 302

now 714 周日凌晨零時直播