卡卡趕及復出鬥馬體會

猪拉多纳

意甲AC米蘭將於周四凌晨主場迎戰西甲馬德里體育會，主隊賽前收到好消息，上場對博洛尼亞因傷離場嘅巴西中場卡卡據報康復進度良好，好大機會趕及復出領軍，由於新加盟嘅日本國腳本田圭佑不符合上陣資格，卡卡能否披甲對AC爭勝更為關鍵。

AC對上兩屆歐聯分別喺16強及8強被另一支西甲球隊巴塞隆拿淘汰，不過兩次主場出擊分別取得一勝一和不敗成績，新丁教練施多夫係史上唯一能幫三間不同球會（阿積士、皇家馬德里及AC米蘭）贏得歐聯冠軍嘅球員，今次係佢執教生涯首次帶兵出戰歐聯，唔知以往豐富嘅比賽經驗對佢有冇幫助呢！
AC剋星韋拿傷愈

馬體會方面，左右兩閘菲臘路爾斯、查維文基路及中場堤亞高文迪斯因傷肯定倦勤，幸好前鋒韋拿上場聯賽正式復出，可夥拍迪亞高哥斯達攻堅。韋拿上屆効力巴塞時就係有份喺16強入波踢AC出局，睇吓今次能否再次射破AC大門。