喜萬家爆全日最冷W

不死鸟

三日兩戰的魔鬼賽程，終於圓滿結束，全日投注額仍有九億多，與閒時差不多，起落不大。可能出馬較少，正路馬演出亦如預期，大熱門獲四冠三亞兩季，只一匹「友誼奧運」不入三甲。

        而全日最冷W在第八場三班一千米直路賽出現，賽前估計係三雄包括「好新聞」、「星火燎原」及「相見歡」鼎足之局，惟臨入閘前「相見歡」瘋狂落飛，最後成為一面倒2.4倍大熱門，結果上述三匹馬之中果然以「相見歡」跑得最好，惜末段未能追過獨贏賠率接近22倍的「喜萬家」，落飛失手。

        吳定強賽後表示﹕「『喜萬家』近仗曾一再在三班上名，前仗亦在四班贏此程，上仗回升三班出閘受擠碰未能放頭跑，結果只獲第五，今仗出閘順利全程自造步速，末段愈衝愈勁，贏來有餘未盡。此駒跑田草一千米確實出色，在三班時刻有爭勝機會。」

        此外，今季新馬插班表現絕不失禮，第九場三班千二米，「加州滿意」挾兩戰兩勝的賽績，評72分在三班起步兼初逢舊馬，結果大熱跑獲一席第三。這場賽事閘前「六六精英」由6倍落票至5倍，末段雖被「祖國繁榮」力迫，最後仍能險勝鼻位。

        大摩賽後表示﹕「『六六精英』在三班兩戰只係輸意外及不合泥地，今仗重返贏馬路程田草千二米，雖然只能險勝對手，惟只係目前跑此程已經嫌短，相信下仗增程跑千四米會交出更佳水準。」