幫粉絲出氣水晶宮勢降魔

猪拉多纳

英超褪色勁旅曼聯戰績低迷，班粉絲懷念奧脫福大帝簡東拿，今輪作客水晶宮賽前「戴簡東拿面具大行動」，向呢位曾起飛腳踢水晶宮粉絲嘅奧脫福大帝致敬，此舉辣着敵軍上下，水晶宮發起惡嚟唔嘢小，博讓球主勝！

（now 621周日凌晨1時30分直播）
魔迷搞事「向簡東拿致敬」

簡東拿95年功夫腳飛踢水晶宮粉絲成英超經典一幕，「魔粉」今次造訪水晶宮會向佢致敬，隨時有數以千計球迷戴上簡東拿面具現身，主隊球迷不滿對手存心挑釁，紛紛喺網上發火。自佩尼斯領軍後，水晶宮愈踢愈硬淨，近三次主場出擊贏晒，為咗幫班球迷出氣，對住「紅魔鬼」必砌盡，隊內新兵湯馬士恩斯同列特利都有料到，唔赦對手！

曼聯落後第四位利物浦十一分，今場又被形容為非勝不可之戰，佢哋早前拉大隊去杜拜集訓，希望可以增強默契，等新兵桑馬達盡快融入球隊，而中堅莊尼伊雲斯及快翼拿尼都有傷缺陣，影響唔算好大。「紅魔鬼」教頭莫耶斯帶到隊波冇晒霸氣，絕不可靠，佢哋月初作客史篤城輸得難睇，面對踢法接近嘅水晶宮隨時又出事，再反多鋪啦！