|
|
英甲球隊高雲地利為加強攻力，早前成功向阿仙奴借到小將艾卡邦，佢仲喺球隊上仗對卡素爾時已經正選上陣。不過，高雲地利今晚作客對燦美爾，艾卡邦將唔會上陣兼且連後備都冇份，原來佢已經畀「兵工廠」召回。據報阿仙奴由於要應付英格蘭青年足總盃同下星期歐洲青年聯賽嘅賽事，所以急急搵艾卡邦返去助陣。
高雲地利高層表示，原來阿仙奴當初肯借人係加入咗條款，就係「兵工廠」有需要可隨時搵艾卡邦返去。不過，艾卡邦踢完嗰兩場波將會歸隊，趕得切下星期對梳士貝利上陣，只不過今晚對燦美爾就唔使預佢。高雲地利冇咗呢個小將攻堅，今場未必咬得入燦美爾，捧下盤！
（周六晚11時開賽） |
|
金睛卡
发表于 2014-2-22 13:44
变色卡
显身卡