馬風雲減磅施冷箭

猪拉多纳

　　頭場五班1650米，「馬風雲」上場初落五班即強配杜滿萊，應有出擊意圖，可惜起步慢一慢，前中段被迫居於較後位置，但末段卻造出全場最快之22秒59，可見九歲老馬仍有一定戰鬥力；今次用七磅仔呂卓賢實負123磅，排三檔亦較上次為佳，加上幕後未肯放棄應相信仍有頭馬見面，有力出冷。「普渡馗」近仗轉戰谷草一哩已兩度上名，加強配搭用田泰安，不難求一席。「香港發」居五班佔優，谷草一哩亦屬射程範圍，三甲分子。

　　冷門方面，「喜遇知己」前仗四班賽輸近，足證有戰鬥能力，今初落五班兼有一檔之助，隨時剷入一席。「滿佳勝仁」在港同父馬多擅窄場，加上本身跑法主動，勿輕視。

　　第二場四班1650米，「薄荷糖」經過季內六戰全數落第後，評分已由68分降至目前59分可跑四班賽，形勢有利，今仗更為馬匹條件賽對手不強，方嘉柏繼續用何澤堯擺明有心關照，值得睇高一線。「綻放美麗」上場轉東廐初出跑此程唔搶，未以最佳跑法演繹敗勿作準，今仗改配五磅仔吳嘉晉只負110超輕磅，只要肯放可搗亂大局。

　　「萬眾期待」無過人之處，但勝在演出穩定可爭一席。「勁友福」換上韋達，騎者剛替同主馬「仁仁友福」入Q，必拼無疑。「中環英雄」評分減過頭，轉投容廐後未交代實砌。耀鈞