百贏萬歲谷草仲好

不死鸟

明晚一次過跑三個盃，谷中夜馬都算少見，先上演的是第五場皮亞士盃由三班2200米擔綱，原來此班此程已是本季最後一戰，成為兵家必爭之地。是場有三匹K布自購馬，其中「皇馬」近兩仗於谷草中長途得一季一殿，證明已搵�癯雎罚�至於「士多啤梨」及「百贏萬歲」，兩匹馬響英國贏過2000米，氣量唔使懷疑，查血統前駒長力源於下線，媽媽曾四勝最長至2400米，同母對上三駒一樣贏過2000米甚至更長，惟在港兩戰皆大敗，看來未盡適應水土，下季至諗咯！
反而「百贏萬歲」早前打疊兩場得第三，總算見過一定能力，這馬來港前贏三場2000米，長途性能根深柢固，能在車士達馬場勝出，照計谷草應難不倒牠，加上昔日同父馬「愛得威」、「友誼第一」等均為谷草馬，今次首度過江，胡森又出招，隨時係出人頭地之日。