錫菲聯貪盃撐彼德堡W

猪拉多纳

嚟到季中，眼見球隊爭升班機會唔大，相反喺盃賽仲有機會搏番鋪，相信有得揀都會瞓身落盃賽度，講緊嘅咪就係英甲錫菲聯囉！佢哋今晚喺主場迎戰彼德堡，班波嘅注意力已經落晒喺周末足總盃8強鬥查爾頓嗰度，仲邊理得彼德堡咁多吖，3倍客勝抵玩。

（開賽時間︰周三凌晨3:30）

錫菲聯喺今屆足總盃分別越級淘汰富咸、維拉等英超球隊，只要嚟緊砌低埋查爾頓，分分鐘就可以喺英格蘭足球聖地溫布萊球場出戰4強賽事，計埋電視轉播、獎金同門票收入，對佢哋呢類細球會嚟講可謂名利雙收，試問佢哋今晚仲邊得閒同彼德堡搏命？睇番錫菲聯今季喺足總盃之前踢嗰6場聯賽，有5場都失分而回，話佢哋唔識留力都冇人信喇！

至於目前排喺第6位嘅彼德堡，為咗早日攞到升班附加賽資格，相信今仗唔會留手，加埋有件中場主力積克彼尼回歸，仲唔乘機攞晒3分咩？