賭得靈活：幸運吉祥有力突破

不死鸟

第一場五班一六五○米，「幸運吉祥」在港跑了二十五場只得一亞，評分方面更已跌至十三分水平，基本上乃其中一匹全港實力最差的馬，但其實此駒最近不時於陣上交出一段不俗的追勁，可惜經常於衝得最勁的時候已到終點。

　　不過，「幸運吉祥」今次同場對手之中，便有多達七駒從未於季內上名，勝出的亦只得一匹已三捷的「火鳳凰」，足證於弱旅大混戰場合，牠要爭入三甲應非難事。

　　另外，今次「幸運吉祥」於C欄C加三彎抽得一檔起步，沿途應能慳盡腳程，只要梁明偉安守在內疊位置，入直路後待馬群因鑊形跑道散開，估計馬兒應有空位上前，而且此類馬必有賠率，不妨作為冷膽看待。

　　配腳首選「心頭好」，最近一次跑五班賽即能上名，負於「火鳳凰」短馬頭位，明顯居五班有利，今戰又有柏寶之助，就算一六五○米路程稍短，但在此群中顯然已夠爭。

連冠精英老而彌堅

　　「連冠精英」雖已七歲，但今季所見演出依然穩定，前仗初跑谷草即於千二米追入一席亞軍，不排除谷中性能特別出色，今次對手更弱，只要發揮正常水準，三甲穩入。「尊係贏」十歲馬久休四個月之後再上征途，面臨退役之馬肯定冇保留，以往亦曾於一哩贏馬，排二檔起步已有力爭入前列。