體重有價：紅孖寶拼霹靂子彈

不死鸟

第二場四班一六五○米，「紅孖寶」有1071磅，比上賽勁升23磅，三歲仔上仗賽後拍跳頻仍，惟體重仍有顯著上升，肯定是好事，成長甚速的馬，試跑亦見有長足進步，既與「福喜」及「紫荊」同父，今次增程至一哩，不會無的放矢。

　　再翻查「紅孖寶」季內三仗的表現，跑嫌短的千二及千四米都能後上衝入第五，反映競爭力不俗，只係未盡成熟，今戰抽排有利的二檔，對手不算太強，以其能力，應可打開勝利之門。

　　配腳先揀「高智慧」，體重有1127磅，比上賽重了7磅，雖然比上季上名時仍然稍偏低，惟保養工夫做得好，體重止跌回升已係佳兆。由於今季密密跑關係，評分銳減後今次可以在四班出賽，形勢大利，換楊啟棠減磅出戰，絕對有討價還價之力。

　　「霹靂子彈」有1071磅，上仗拼勝後僅微減2磅，再看其今季大部分時間都在1070至1077磅之間，體重相當穩定，反映馬房保養確有一手，忠心鐵馬起用蔡明紹減磅出戰，有盡用一時之意，仍堪重視。

　　「吉利大哥」有1088磅，與上仗一模一樣，官仔馬健康已經養番好，上賽後追第六走勢可人，短時間內可以再戰，誠屬佳兆，加上季內少跑，體能比對手優勝，路合打硬仗，機會決不後人。