真綵轉倉即有飛

猪拉多纳

　　今日沙田馬場上演十場草泥地賽事，噚晚睇飛，發現第七場「嫡愛」同第八場「神舟十號」嘅獨贏賠率曾一度低過2倍，睇嚟非常穩陣。

　　怪飛馬方面，周某發現第三場「真綵」同第六場「新界福星」隔晚忽然多咗好多捧場客（見表），看來想嚟料。先講第三場「真綵」，呢匹馬上場隸屬何良馬房，獨贏有20倍咁冷，但係今次轉入容廐初出，隔晚竟然得番6倍，仲一度成為大熱門，唔使問阿貴，梗係捧場客見到轉倉，紛紛來投X啦，通常一匹轉倉馬初出惹飛，成功率真係唔細，最好跟實。至於第六場「新界福星」呢鋪亦有飛，話說佢上仗獨贏有12倍，但係今次換莫雷拉，隔晚得5.4倍做大熱，隨時贏得。騎師王方面，莫雷拉停賽復出得1.35倍，好難拗頸。

　　(周仲)